KeralaNewsPathanamthitta
വൈദ്യുതി കമ്പിയിൽ നിന്നും ഷോക്കേറ്റ് ഒരാൾ മരിച്ചു
പത്തനംതിട്ട: പൊട്ടി വീണ വൈദ്യുതി കമ്പിയിൽ നിന്നും ഷോക്കേറ്റ് ഒരാൾ മരിച്ചു. മേപ്രാൽ സ്വദേശി റെജിയാണ് മരിച്ചത്. 48 വയസ്സായിരുന്നു. രാവിലെ പത്ത് മണിയോടെ പത്തനംതിട്ട തിരുവല്ല മേപ്രാലിൽ വെച്ചായിരുന്നു സംഭവം.
രാവിലെ ആറ് മണിയോടെ വീട്ടിൽ നിന്നും പുല്ലു ചെത്താൻ പോയതായിരുന്നു റെജി. ഏറെ നേരം കഴിഞ്ഞിട്ടും റെജിയെ മടങ്ങി എത്താതായതോടെയാണ് വീട്ടുകാരുടെ അന്വേഷണത്തിൽ മൃതദേഹം കണ്ടെത്തുകയായിരുന്നു. ഉടനെ തന്നെ കെഎസ്ഇബി ഉദ്യോഗസ്ഥരെ വിവരം അറിയിച്ചു. തുടർന്ന് ഉദ്യോഗസ്ഥർ സംഭവസ്ഥലത്തെത്തിയതിനു ശേഷമാണ് വൈദ്യുതിബന്ധം വിച്ഛേദിച്ചത്. ശേഷം റെജിയെ തിരുവല്ല താലൂക്ക് ആശുപത്രിയിൽ പ്രവേശിപ്പിച്ചുവെങ്കിലും ജീവൻ നഷ്ടമായിരുന്നു.
