പ്രായപൂർത്തിയാകാത്ത പെൺകുട്ടികളെ പീഡിപ്പിച്ചു .. യുവാക്കൾ പിടിയിൽ
ഇടുക്കി നെടുങ്കണ്ടത്ത് വീട്ടിൽ അതിക്രമിച്ചു കയറി പ്രായപൂർത്തിയാകാത്ത പെൺകുട്ടികളെ പീഡിപ്പിച്ച കൊല്ലം സ്വദേശികളായ യുവാക്കൾ അറസ്റ്റിൽ .കൊല്ലം വട്ടത്താമര കുന്നിൽ അരുൺ ബി എസ്,സംഭ്രമം മണലുവിള വീട്ടിൽ മുഹമ്മദ് ഹാഷിക്ക് എന്നിവരെയാണ് നെടുങ്കണ്ടം പോലീസ് അറസ്റ്റ് ചെയ്തത് .സമൂഹമാധ്യമങ്ങളിലൂടെ ചാറ്റ് ചെയ്ത് പ്രണയം നടിച്ച് പ്രതികൾ പെൺകുട്ടികളുടെ വീട്ടിൽ എത്തി പീഡിപ്പിക്കുകയായിരുന്നു. നാട്ടുകാരാണ് പ്രതികളെ തടഞ്ഞ്വെച്ച് പോലീസിൽ ഏൽപ്പിച്ചത് .
ഇൻസ്റ്റാഗ്രാമിലൂടെ പെൺകുട്ടികളെ പരിചയപ്പെട്ട യുവാക്കൾ പ്രണയം നടിച്ച് വശത്താക്കുകയായിരുന്നു. തുടർന്ന് കൊല്ലത്തു നിന്നും നെടുങ്കണ്ടത്ത് എത്തിയ പ്രതികൾ രക്ഷിതാക്കൾ ഇല്ലാത്ത സമയം നോക്കി പെൺകുട്ടികളുടെ വീട്ടിൽ എത്തി ഇരുവരെയും പീഡിപ്പിക്കുകയായിരുന്നു. സംശയം തോന്നിയ നാട്ടുകാർ ബഹളം വച്ചപ്പോൾ യുവാക്കൾ ഓടി രക്ഷപ്പെടുവാൻ ശ്രമിച്ചു . നാട്ടുകാരുടെ നേതൃത്വത്തിൽ പിടികൂടിയ യുവാക്കളെ നെടുങ്കണ്ടം പോലീസ് അറസ്റ്റ് ചെയ്യുക ആയിരുന്നു . കോടതിയിൽ ഹാജരാക്കിയ പ്രതികളെ റിമാൻ്റ് ചെയ്തു. രണ്ട് വ്യത്യസ്തങ്ങളായ പോക്സോ കേസുകളാണ് ഇവർക്കെതിരെ ചുമത്തിയിട്ടുള്ളത്.കൂടാതെ പ്രതികളിൽ നിന്നും നിരവധി പെൺകുട്ടികളുടെ ഫോൺ നമ്പറുകളും മറ്റ് വിവരങ്ങളും ലഭിച്ചതായും പോലീസ് വ്യക്തമാക്കി .
