സപ്ലൈകോയിൽ ഈസ്റ്റര് റംസാൻ ഓഫർ സബ്സിഡി സാധനങ്ങൾ

ഈസ്റ്റർ, റംസാൻ, വിഷു എന്നിവ പ്രമാണിച്ച് സംസ്ഥാന സർക്കാർ പ്രത്യേക വിപണികൾ തുറക്കാൻ ഒരുങ്ങുകയാണ്. ഈസ്റ്റർ, റംസാൻ, വിഷു മേളകൾ മാർച്ച് 28 മുതൽ ആരംഭിക്കും. വിലക്കയറ്റം തടയാൻ പ്രത്യേക വിപണികൾ സൃഷ്ടിച്ചു. സംസ്ഥാനത്തെ 83 താലൂക്കുകളിലും ചന്തകൾ വരും. ഈ മാർക്കറ്റുകൾ ഏപ്രിൽ 13 വരെ തുറന്നിരിക്കും. 13 തരം സബ്‌സിഡി സാധനങ്ങൾ വിൽപ്പനയ്ക്ക് ലഭ്യമാണ്.

സപ്ലൈകോ ഉൽപ്പന്നങ്ങളും മറ്റ് സൂപ്പർമാർക്കറ്റ് സാധനങ്ങളും മിതമായ നിരക്കിൽ ലഭ്യമാണ്. മാവേലി സ്റ്റോറുകൾ, സൂപ്പർമാർക്കറ്റുകൾ, പീപ്പിൾസ് ബസാറുകൾ, ഹൈപ്പർമാർക്കറ്റുകൾ, അപ്‌ന ബസാറുകൾ തുടങ്ങി 1630 സപ്ലൈകോ ശാഖകളും വിലക്കയറ്റത്തെ നേരിടാൻ മുന്നിൽ നിൽക്കുന്നു. വിപണി ഇടപെടലിനായി സംസ്ഥാന സർക്കാർ 200 കോടി രൂപ അനുവദിച്ചു. ഇത്തവണ ഈ തുക ഉൾപ്പെടുത്തി വിപണികൾ സജ്ജമാക്കി. കൂടാതെ ശബരി-കെ അരി വിതരണവും തുടരും.