20 കോടിയുടെ കൊക്കെയ്‌നുമായി യുവതി പിടിയില്‍

മുംബൈ വിമാനത്താവളത്തില്‍ 20 കോടിയുടെ കൊക്കെയ്‌നുമായി യുവതി പിടിയില്‍. പശ്ചിമാഫ്രിക്കന്‍ യുവതിയാണ് ഡയറക്ടറേറ്റ് ഓഫ് റവന്യൂ ഇന്റലിജന്‍സിന്റെ പിടിയിലായത് . ഏകദേശം 19.79 കോടി രൂപ വിലമതിക്കുന്ന 1,979 ഗ്രാം കൊക്കെയ്ന്‍ ആണ് യുവതിയുടെ പക്കൽ നിന്നും പിടിച്ചെടുത്തത് .

നെയ്റോബിയില്‍ നിന്നാണ് യുവതി മുംബൈയിലെത്തിയത്. രഹസ്യ വിവരത്തിന്റെ അടിസ്ഥാനത്തിൽ നടന്ന പരിശോധനയിലാണ് മയക്കുമരുന്ന് പിടിച്ചെടുത്തത് . മോയ്സ്ചറൈസര്‍ ബോട്ടില്‍, ഷൂസ്, ഷാംപൂ ബോട്ടില്‍ തുടങ്ങിയവയില്‍ ഒളിപ്പിച്ച നിലയിലായിരുന്നു മയക്കുമരുന്ന്. ഇത് കൊക്കെയ്ന്‍ ആണെന്ന് ശാസ്ത്രീയ പരിശോധനയില്‍ കണ്ടെത്തി.യുവതിയെ അറസ്റ്റ് ചെയ്യുകയും ജുഡീഷ്യല്‍ കസ്റ്റഡിയില്‍ റിമാന്‍ഡ് ചെയ്യുകയും ചെയ്തു .